અમદાવાદમાં વાઈબ્રન્ટ અમદાવાદ ફ્લાવર શૉ ગુજરાતીઓ માટે બન્યું આકર્ષણનું કેન્દ્ર

7 લાખ રોપાઓથી બનેલા 400-મીટર-લાંબા ફ્લાવર સ્ટ્રક્ચરનો સમાવેશ કરવામાં આવ્યો 

અમદાવાદમાં 'વાઈબ્રન્ટ અમદાવાદ ફ્લાવર શૉ 2024' શરૂ થયો છે. મુખ્યમંત્રી ભૂપેન્દ્ર પટેલે ફ્લાવર શોને ખૂલ્લો મૂક્યો હતો. આ વખતે અહીં 15 લાખથી વધુ વિવિધ પ્રકારના ફૂલછોડ અમદાવાદીઓના આકર્ષણનું કેન્દ્ર બન્યું. આગામી 15મી જાન્યુઆરી સુધી ચાલનારા આ ફ્લાવર શોમાં આ વર્ષે ઘણા બધા નવા આકર્ષણો ઉમેરાયા છે

આ વર્ષની શિલ્પો ગયા વર્ષની સરખામણીમાં મોટી છે, જેમાં નવું સંસદ ભવન, વડનગરનું તોરણ, વિક્રમ લેન્ડર (ચંદ્રયાન-3), સ્ટેચ્યુ ઓફ યુનિટી, મોઢેરાના સૂર્ય મંદિર અને મહિલા સશક્તિકરણના પ્રતીકો જેવા સીમાચિહ્નો, સાત અશ્વ અને ઓલિમ્પિક જેવી જુદી જુદી થીમ આધારિત અનેક પ્રતિકૃતિઓ બનાવવામાં આવી છે બાળકો માટે કાર્ટૂન પાત્રો પણ દર્શાવવામાં આવશે.

આ વખતે અલગ અલગ પ્રકારના 15 લાખથી વધુ ફૂલછોડ મૂકવામાં આવ્યા છે જે અમદાવાદી માટે અનેરું આકર્ષણ બની રહ્યું છે. આ પ્રદર્શનમાં પિટુનિયા, ગજેનિયા, બિગોનિયા, તોરણીયા, મેરીગોલ્ડ, લિલિયમ, ઓર્ચિડ, ડહેલિયા, એમરન્સ લીલી, કેક્ટસ પ્લાન્ટ, જરબેરા જેવા અનેક દેશી-વિદેશી ફૂલોનો સમાવેશ કરાયો છે. આ સિવાય વિદેશી ફૂલછોડ પણ મૂકવામાં આવ્યા છે. 

અમદાવાદ ફ્લાવર શો 2024માં 7 લાખ રોપાઓથી બનેલા 400-મીટર-લાંબા ફ્લાવર સ્ટ્રક્ચરનો સમાવેશ કરવામાં આવ્યો છે. જંતુનાશકો અને ખાતરના સ્ટોલ, બગીચાના સાધનો સાથે, ખરીદી માટે ઉપલબ્ધ રહેશે. સ્થાપિત ફૂડ કોર્ટ ઉપરાંત, વિવિધ રિફ્રેશમેન્ટ સ્ટોલ ખોરાક અને પાણી પ્રદાન કરે છે.