એક જ વર્ષમાં દૈનિક મુસાફરોમાં 2 લાખનો વધારો
ગુજરાત વિધાનસભા ખાતે વાહન વ્યવહાર વિભાગના વર્ષ 2024-25નું રૂ. 3370.33 કરોડનું ઈતિહાસમાં સૌથી મોટી રકમનુ બજેટ સર્વાનુમંતે મંજૂર કરવામાં આવ્યું છે.આ તકે વાહન વ્યવહાર મંત્રી હર્ષ સંઘવી દ્વારા કરવામાં આવેલી જાહેરાતો પર એક નજર નાંખીએ તો...
જાહેર પરિવહનની સેવા અસરકારક બનાવવા મુખ્ય ચાર પાયાસ્તંભ (એસ.ટી. પરિવાર, બસ, બસ સ્ટેશન, તથા ટેક્નોલોજી) ને પ્રાધાન્ય આપી પરિણામલક્ષી કામગીરી કરી छे.એક વર્ષમાં દૈનિક મુસાફરો 25 લાખથી વધી 27 લાખ થયા છે એટલે કે દૈનિક 2 લાખ મુસાફરો વધ્યાં છે. જે દર્શાવે છે કે એસ.ટી. પર ગુજરાતની પ્રજાનો ભરોસો વધ્યો છે. વાર-તહેવાર, રાત-દિવસ જોયા વગર ગુજરાત રાજ્યનું જાહેર પરીવહન ધબકતું રહે, તે માટે સદાય કાર્યશીલ એસ.ટી.ના 36000થી વધુ કર્મચારીઓનો વાહન વ્યવહાર મંત્રીએ બે હાથ જોડી આભાર વ્યક્ત કર્યો. નિગમની નિતી અનુસાર, વર્ષ 2011 પહેલા અવસાન પામેલ નિગમના 240થી વધુ કર્મચારીઓના આશ્રિતને આગામી ટૂંક સમયમાં ક્લાર્કની કક્ષામાં નિમણૂંકપત્ર એનાયત કરવામાં આવશે. મંજૂર સંચાલનની સાથોસાથ 2800થી વધુ નવી ટ્રીપ ચાલુ કરવા કુલ 4062 ડ્રાઈવર, 3342 કંડકટર, 2827 મિકેનિક, 1696 ક્લાર્ક કુલ મળી 11,000થી વધુ કર્મચારીઓની ભરતી કરવામાં આવશે.
આગામી 5 દિવસમાં 500થી વધુ નવીન બસો પ્રજાની સેવામાં મૂકવાનું આયોજન છે. વર્ષ 2024-25માં 2500 નવીન બસો ખરીદવામાં આવશે, જેનાથી 700 જેટલા નવા શિક્યુઅલ શરૂ કરવામાં આવશે. આગામી સમયમાં SOU સહિત રાજ્યના શહેરોમાં પણ આધુનિક ડબલ ડેકર બસ દોડાવવાનું આયોજન
આગામી સમયમાં એસ.ટી. પરિવહનમાં એક પણ બસ તૂટેલી ના રહે તે માટે 100 દિવસમાં તમામ બસોનું ડેન્ટીંગ અને પેન્ટીંગની કાર્યવાહી મિશન મોડ પર હાથ ધરવામાં આવશે. આગામી માસમાં 15 ડેપો/બસસ્ટેશનના ખાતમુહુર્ત કરવામાં આવશે. વર્ષ 2024-25માં કુલ 27 ડેપો અને બસ સ્ટેશનનું નિર્માણ કરવાનું આયોજન છે.
ટેકનોલોજીના માધ્યમથી એક જ મોબાઈલ એપ્લિકેશન થકી નિગમની તમામ ડિજીટલ સેવા ઉપલબ્ધ બનશે. જેના થકી દરરોજ 27 લાખ લોકોને બસ વિશે Real Time ઇન્ફોર્મેશન મળી રહેશે. આગામી શૈક્ષણિક સત્ર 2024-25થી ધોરણ 10 સામાજિક વિજ્ઞાન અને ધોરણ 12 ગુજરાતીમાં સમાવેશ થશે. માર્ગ સલામતી વિષયક પ્રકરણનો સમાવેશ કરવામાં આવેલ હોઈ શાળાઓમાં ભણાવવામાં આવશે. આગામી સમયમાં મહાનગરોમાં ૨૪ કલાકમાં તથા અન્ય જગ્યાએ ર થી ૩ દિવસમાં લાઈસન્સ ઉપ્લબ્ધ થાય તે માટેની વ્યવસ્થા ઉભી કરવાના પ્રયત્નો હાથ ધરાશે. સ્ક્રેપીંગ ફેસેલિટીમાં સ્ક્રેપ થતાં 8 વર્ષથી વધુ વયમર્યાદા ધરાવતા વાહનો પરના બાકી ટેક્સ, પેનલ્ટી અને વ્યાજની અંદાજીત રૂ. 700 કરોડ જેટલી રકમ માફ કરવામાં આવશે આગામી શૈક્ષણિક સત્ર 2024-25થી ધોરણ 10 સામાજિક વિજ્ઞાન અને ધોરણ 12 ગુજરાતીમાં સમાવેશ થશે. માર્ગ સલામતી વિષયક પ્રકરણનો સમાવેશ કરવામાં આવેલ હોઈ શાળાઓમાં ભણાવવામાં આવશે. વર્ષ 2019 થી 2021 કુલ 265 જેટલા બ્લેક સ્પોટ આઈડેન્ટીફાઈ કરવામાં આવેલ જેના પર રોડ સેફટી ઓથોરીટી દ્વારા સુધારાત્મક પગલા લીધેલ જેના થકી 62 જેટલા બ્લેક સ્પોટ હવે બ્લેક સ્પોટ રહ્યા નથી. જેના થકી અકસ્માત સંખ્યા ઘટી છે અને ઘણા લોકોના જીવ બચ્યાં છે.
(ગુજરાતી જાગરણના સંદર્ભ)
અમારા દરેક સમાચાર, નવી વાતો, અને ગુજરાતમાં ચાલતી નવી વાતો જાણવા માટે અમારા વોટ્સએપ ગ્રુપમાં આજે જ જોડાવો.
👇 Innovative Gujarat 👇